මෙරට ප්‍රධාන පෙළේ ජාතික නාලිකාවක ජනප්‍රිය යැයි සිතා සිටින ප්‍රවෘත්ති නිවේදකයෙකුගේ අපූරු සල්ලාල චරිතා ප්‍රදානයක් ගැනයි මේ. මීට වසර 03කට පෙර එනම් 2015 වසරේ සිට විදෙස් ගතව සිටින උගත් රූමත් තරුණියක සමඟ ෆේස්බුක් ගිණුම හරහා පෙම් සබඳතාවක් ගොඩනගා ගෙන ඇයට බොරු ආදරයක් පෙන්වා ඇය මුලා කරමින් රුපියල් ලක්‍ෂ 35කට ආසන්න මුදලක් ද නවීන පන්නයේ ලැප්ටොප්, ජංගම දුරකථන, නිවසට අවශ්‍ය සියලු උපකරණ වංචා කර ඇයගෙන් ලබා ගෙන මේවන විට ඇය මඟ හරිමින් සිටින බව වාර්තා වේ.
එපමණක් නොව ඇය ඇසුරු කරන කාලයේ දීම වෙනත් තරුණියන් කිහිප දෙනෙකු සමඟ ද පෙම් සබඳතා පවත්වමින් අසීලාචාරව ඔවුන් සමඟ අනාචාරයේ හැසුරුනු බවට ද විදෙස් තරුණිය ඉතා සූක්‍ෂම අයුරින් මොහුගේ ක්‍රියා කාරකම් සියල්ල සාක්‍ෂි සහිත ව සොයා ගෙන ඇත.
මෙම තොරතුරු සොයා ගැනීමත් සමඟ අදාළ ප්‍රවෘත්ති නිවේදකයා සමඟ සියලු සම්බන්ධතා නතර කර ඇති අදාළ තරුණිය, ඇයගෙන් මෙලෙස වංචා කර ඇති මුදල් යළි ලබා ගැනීම සදහා මේ වන විට නීතිමය පියවර අනුගමනය කරමින් සිටින බව කියැවේ.
ඒ අනුව ඇයගෙන් ලබා ගත් මුදල් හා අනෙකුත් භාණ්ඩ ඇය වෙනුවෙන් පෙනී සිටින නීතිඥවරයා වෙත භාර දෙන ලෙස දැනටමත් ලිඛිතව මෙම නිවේදකයාගේ නිවසට හා අදාළ මාධ්‍ය ආයතනය වෙත ලිපි යොමු කර ඇත. නමුත් ඒ සමඟ අදාළ සැකකරු ප්‍රතිචාර නොදක්වා ඇති බැවින් දෙවැනි සිහි කැඳවීමේ ලිපි ද මේ වන විට යොමු කර තිබේ.
මෙම ප්‍රවෘත්ති නිවේදකයා සාමදාන විනිශ්චකාර පදවියක් ද හොඹවන අතර එය ද ලබා ගෙන ඇත්තේ ව්‍යාජ අකාරයෙන් බව වාර්තා වේ.
එමෙන්ම ඔහුගේ පියාද සමූපකාරයේ සේවය කර ඇති අයෙක් වන අතර ඔහුද එහිදී මුදල් වංචාවක් සම්බන්ධයෙන් සේවයෙන් පහ කළ අයෙකි.
අදාළ ප්‍රවෘත්ති නිවේදකයා ජීවත් වන නිවස පිහිට ඉඩම සම්බන්ධයෙයන් ද මේ වන විට නඩු විභාගයක් පැවැත්වෙන අතර එම ඉඩම ද සාවද්‍ය කරුණු ඉදිරිපත් කර අයිතිවාසිකම් කියනු ලබන ඉඩමක් බව හෙළිව ඇත.
මෙසේ අසීලාචාර ලෙස හැසිරෙන මෙම ප්‍රවෘත්ති නිවේදකයා, ඔහු සේවය කරන ආයතනයේ තරුණියක් සමඟ ද කලක් ප්‍රේම සබඳතාවක් පවත්වා ඇය ද මුලා කරමින් තවත් තරුණියන් කිහිප දෙනෙක් සමඟ අනියම් සම්බන්ධතා පවත්වා තිබේ. මෙසේ තරුණියන්ට මුසා බස් දොඩවමින් ඔහු අසීමිත අසහනකාරීභාවය සන්සිදුවා ගැනීම ඔහුගේ විනෝදාංශය බව කියැවේ.
විදෙස් ගතව සිටින තරුණිය රවටා මෙලෙස විශාල වශයෙන් කපටි අයුරින් ඇයගෙන් මුදල් ලබා ගත් මොහු ප්‍රධාන පෙළේ මාධ්‍ය ආයතනයක ප්‍රධාන ප්‍රවෘත්ති නිවේදකයෙක් සහ නිෂ්පාදකවරයෙක් ලෙස කටයුතු කිරීමට අවස්ථාව ලබා දීමත්, රාත්‍රී 08 ප්‍රවෘත්ති ඉදිරිපත් කිරීමට අවස්ථාව ලබා දීම අදාළ මාධ්‍ය ආයතනය අපකිර්තියට පත් වීමට හේතුවක් වනු නොවනු මානය. එබැවින් මෙම නිවේදකයා පිළිබඳව අදාළ ආයතන ප්‍රධානීන්ගේ අවධානය යොමු විය යුතු කාලය එළෙඹ ඇතැයි විශ්වාස කෙරේ.
මෙම ප්‍රවෘත්ති නිවේදකයා පිළිබඳ තවත් තොරතුරු නුදුරු දිනක දී හෙළි දරව්වනු ඇත.
Discussion about this post