ලෝකයේ මෙතෙක් නිපදවූ ප්‍රබලතම රොකට්ටුව ඇමරිකානු නාසා ආයතනය සාර්ථක ලෙස අත්හදා බලා ඇති බව විදෙස් මාධ්‍ය වාර්තා කරයි. ස්පේස් ලෝන්ච් සිස්ටම් හෙවත් අභ්‍යවකාශ විහිදුම් පද්ධතිය මෙලෙස අත්හදා බලනු ලැබුවේ පසුගිය ජනවාරි මාසයේ එවැනි උත්සාහයක් අත්හිටුවීමෙන් අනතුරුවයි.
මෙය 2017 වසරේ ට්‍රම්ප් පරිපාලනය විසින් ආරම්භ කළ නාසා ආයතනයේ ආටෙමිස් ව්‍යාපෘතියේ කොටසක් ලෙස සලකනු ලබයි. මිනිසුන් නැවත සඳ වෙත යැවීමේ අරමුණින් ආටෙමිස් ව්‍යාපෘතිය ක්‍රියාත්මක වෙයි.
නව රොකට්ටුව අභ්‍යවකාශය වෙත යොමුකිරීම සඳහා ඉන්ධන ලීටර විසි හයලක්ෂයක් යොදාගෙන තිබෙන බව වාර්තා වේ. එම රොකට් ඉන්ධන, ද්‍රව හයිඩ්‍රජන් සහ ද්‍රව ඔක්සිජන්වලින් සමන්විතයි.
එම ඉන්ධන දහනයේදී සෙන්ටිග්‍රේඩ් අංශක 3300 කට වැඩි උෂ්ණත්වයෙන් යුත් ජල වාෂ්ප අපද්‍රව්‍ය ලෙස නික්මුණු බව විදෙස් මාධ්‍ය වාර්තා කරයි.
Discussion about this post