තම බැංකු ගිණුමේ තිබූ රුපියල් කෝටි හතරකට අධික මුදල් ප්‍රමාණයක් වංචා කළ තමාගේ පෞද්ගලික සහායකයා කර ඇත්තේ සමාව ලබාදිය නොහැකි බරපතළ වංචාවක් යැයි ද එවැනි අය සමාජයටම පවා පිළිලයක් බවද එම ගිණුම හිමි මහින්ද රාජපක්ෂ මහතා පුවත්පතකට කියා සිටියේය.
තමාගේ බැංකු ගිණුමෙන් වංචනිකව මුදල් ලබාගත් පළමු පුද්ගලයා මොහු නොවන බවත් මීට පෙර අවස්ථාවකදී තවත් පුද්ගලයකු මෙයාකාරයටම මුදල් වංචා කළ බවත් ඔහු සඳහන් කළේය.
“මොහු මගේ විශ්වාසය දිනාගෙන හිටපු කෙනෙක්. සමීපව ඇසුරු කරමින් මගේ පෞද්ගලික සහායකයෙක් ලෙස කටයුතු කළා. මොහු මගේ ගිණුමේ තිබූ රුපියල් කෝටි හතරකට අධික මුදලක් වංචනිකව අරන්. එය සමාව ලබාදිය නොහැකි තරමේ බරපතළ වංචාවක්. මගේ ගිණුමෙන් මුදල් ලබාගත් පළමු පුද්ගලයා මොහු නෙවෙයි. මීට පෙරත් වෙනත් අයකු ඔය වගේ වැඩක් කළා.මේ වගේ අය විශ්වාසයට ගතයුතු නෑ. මේ වගේ අයට ඕනෑම පාවාදීමක් කළ හැකියි. ඕ ́නෑම අපරාධයක් කළ හැකියි. මේ වගේ වංචා දූෂණ අක්‍රමිකතා සිදු කරන අයට සමාව දිය යුතු නෑ. මේ වංචාවට සම්බන්ධ පුද්ගලයා ඔහුගේ පියාගේ කීර්ති නාමයත් නැති කළා. මුදල්වලට ආත්මයම පාවා දෙන මේ වගේ පුද්ගලයන් මුළු සමාජයටම පිළිලයක්” යනුවෙන් ඔහු තිබෙනවා.
රටේ නිතිය ක්‍රියාත්මක වන ආකාරය අපි බලා සිටිමු. උදිතට, නිරුපමාට, බැසිල්ට, නාමල්ට, එක සමානව නිතිය ක්‍රියාත්මක වෙයිද??.
රටේ නිතිය කොතරම් ප්‍රබලද යත්, වචනයක් වරද්දාගත්, රන්ජන්, ෆොන්සේකා වැනි අය, කෙතරම් දේශපාලන ප්‍රබලයන් වුවත්, නිතිය ඉදිරියේ ඔවුන් සැමට සාමාන්‍ය ජනතාවට මෙන් නිතිය සාදාරන ලෙස ඉෂ්ට විය. වසර ගණනක් සිරබත් කෑවේය.
Discussion about this post